Viva Rueras! – Viva Tourenweekend 2009!
HPGschwend

  Mit g’mischte G’fühl sind mir früeh us de Federe g’stiegä
mir hättet nämli alli ruhig dörfe im Bett diheim blibe liegä.
Dur Näbelschwade und Räge-Güss sind mir uf Rueras cho,
d’Ski, d’Brätter und de Rucksack händ mir grad im Auto loh!

  Zu allem Übel hät au nu de Wind afange vo de Bärge blosä
So sind mir nach em Kaffee is Wellness, füdliblutt ohni Hosä.
En chline Apéro, en feine z’Nacht händ gueti Stimmig bracht
Mir händ alli g’lachet und ab em Roli fascht i d’Hose g’macht!

  De Hampi hät en schöni Toure- und Bordermütze präsentiert
und nachher am Peter Frei und Andi Isenring als Dank offeriert!
Die Toure- und Boarderfreaks händ g’wünscht keck und kühn
Mir wänd wieder uf Rueras, bi schönem Wätter – Viva 2009!